Գինի Նռան կարմիր կիսաքաղցր 11.5%
Նուռն իրավամբ համարվում է Հայաստանի տարբերանշան: Հայերը նուռը համարում են կյանքի, պտղաբերության, առատության, բարեկեցության, ամուր ամուսնական կապերի և բազմազավակության խորհրդանիշ: Այս համեղ և օգտակար պտուղը հավերժացվել է կինոյում 1968 թվականին: Անվանի կինոռեժիսոր Սերգեյ Փարաջանովը (1924-1990) նկարահանել է ՙՆռան գույնը՚ ֆիլմը` պոետիկ կինոառակաբանություն միջնադարի հայ մեծանուն բանաստեղծ Սայաթ-Նովայի մասին:
Գինու գույնը մուգ կարմիր է սուտակի ցոլքերով: Ունի խիստ արտահայտիչ բույր՝ նռան և կարմիր մրգերի երանգներով: Առանձնանում է թավշյա և շատ լավ լուծված տանիններով, նռան և կեռասի համով: Բնորոշ է հրաշալի տևողությամբ թարմ հետհամը: Խորհուրդ է տրվում մատուցել որպես ապերիտիվ կարմիր մսի և թռչնամսի, կծու ուտեստների, պանրի և աղանդերի հետ:
