Գինի կարմիր «Թարիրի» 0.75լ

Գինի կարմիր չոր 12,5%
Ուրարտական սեպագիր արձանագրությունները վկայում են Հայաստանում խաղողագործության և գինեգործության բազմահազարամյա պատմության մասին: Քրիստոսի ծննդից առաջ 9-րդ դարի արձանագրությունը նկարագրում է Մենուա արքայի դուստր Թարիրիին պատկանող խաղողի այգիները: Այսպիսով, «Թարիրին» վկայությունն է հայկական գինու հարստագույն ավանդույթների:
Այս գինին պատրաստելիս օգտագործվել է հայկական Արենի, ինչպես նաև Հայաստանում աճեցված եվրոպական Մերլո և Կաբերնե Սովինյոն սորտերի խաղող: «Թարիրին» գեղեցիկ է իր մուգ կարմիր և խիտ գույնով: Բույրի մեջ բացահայտվում են եփված մրգերի նրբերանգները: Առաջին համն արտահայտվում է թավշյա նրբությամբ: Այս գինին շատ բուրավետ է և շարունակ շոյում է քիմքը մետաքսի փափկության տանիններով: Հետհամը շռայլ է, հարուստ ու երկարատև: